Amazon Лондоннинг машҳур клуби ҳақида сериал суратга олади

Amazon ва "Арсенал" Лондон жамоаси ҳақида сериал яратишга келишиб олди.

"Ҳамма нарса ёки ҳеч нарса" туркумидаги ҳужжатли картина "Арсенал" клуби ҳақида ҳикоя қилади. Суратга олиш гуруҳи кийиниш хонаси ва жамоа учрашувларига кириш ҳуқуқига эга бўлади.

Сериал, шунингдек, футболчилар дуч келадиган муаммоларни кўрсатиш учун жамоанинг майдон ташқарисидаги ҳаётига алоҳида эътибор қаратади. Унинг премьераси 2022 йилга режалаштирилган.

Amazon бундан аввал "Манчестер Сити" ва "Тоттенхем", "Лидс", "Кристал Пэлас" ва "Боруссия" ҳақида ҳужжатли фильмлар ишлаб чиқарган.