Алишер Усмановга "Арсенал" акцияларини сотиш таклиф қилинди
04 окт 2017 09:40
Новости

Алишер Усмановга "Арсенал" акцияларини сотиш таклиф қилинди

Америкалик тадбиркор Стэн Кронке "Арсенал" клубининг акциялар фоизини янада кўпайтирмоқчи.

У асли ўзбекистонлик бўлган миллиардер Алишер Усмановдан акцияларини 525 млн фунт (тахминан 592 млн евро) эвазига сотишга таклиф қилди. Айни пайтда Кронке "Арсенал"нинг 67% акциясига эга. Усманов ҳисоби эса 30,04% акция мавжуд.

Олдинроқ Усманов "Арсенал"нинг акциялар назорат пакетини Кронкедан 2,3 млрд долларга сотиб олмоқчи бўлганди, аммо америкалик буни рад қилганди. Усманов клуб акцияларини кўпайтиришга доим тайёр бўлган.