Алишер Маҳмудов: "Машъал" билан шартнома тузмагандим"

Кеча эса уни муборакликлар билан шартнома имзолаганлиги ҳақида хабар берилди. Аслини олганда эса бу каби маълумотлар ҳеч қандай асосга эга эмас. Маҳмудов чинданам жамоасини алмаштириш борасидага масалани кўриб чиққанди. Лекин, якунда "Навбаҳор"да қолишга қарор қилганди.

Футболчини ўзи рўй берган воқеаларга қуйидагича изоҳ берди: - Ўтган ҳафтада Муборакнинг “Машъал” жамоаси билан оғзаки келишувга эришгандик. Шундан келиб чиққан ҳолда муборакликлар сафига қўшилишга чоғлангандим. Лекин, мухлисларни жамоадан кетишимга муносабати ва клуб раҳбарияти билан олиб борилган музокаралардан кейин “Навбаҳор”да қолишга қарор қилдим. Шу сабабдан сайтларда Маҳмудов “Машъал” билан шартнома тузди ва муборакликлар машғулотида қатнашди деган гап-сўзларда ҳеч қандай асос йўқ. Фурсатдан фойдаланиб, “Навбаҳор”да қолишимни ёқлаб чиққан жамоамиз мухлисларига ҳам миннатдорчилик билдириб ўтишни истардим. Янги мавсумда ишқибозларимиз ва мураббийлар ишончини оқлаш учун бор куч ва маҳоратимни ишга солишга ваъда бераман.