Алиризо Жаҳонбахш: "Гонгконгга 23 соат учдик ва машғулот ўтказа олмадик. Терма жамоадаги вазият кулгили"

"Осиё Миллатлар Кубогидан сўнг, бизни қўллаб-қувватлаганларга миннатдорчилик билдира олмадим. Буни ҳозир амалга оширмоқчиман. Миллат масаласида гап кетганда, биринчи навбатда терма жамоага эътибор қаратиш керак. Биз расмий ўйинга машғулотсиз бордик, чунки бизда парвоз шароити ёмон эди ва Гонгконгга 23 соат учдик. Ҳеч нарса режалаштирилмаганди. Йигитлар Европадан келиб, соатлаб учишди. Ўйинга 48 соат қолганида Гонконгга жуда чарчаган ҳолда етиб келдик, шунга қарамай, ғалаба қозона олдик. Бизга бу даражада ўйнаш қулай эмас.

Вазият кулгили! Мен осиёлик дўстларим билан барча мамлакатларда махсус рейслар борлиги ҳақида гаплашдим. Футбол жуда муҳим ва инсонлар ҳаётига бевосита таъсир қилади. Расмийлар терма жамоани қўллаб-қувватлаши керак. Кейинги босқич анча қийин ўтади ва биз ўйинларга бу тарзда машғулотсиз бора олмаймиз ёки 23 соат йўлда бўла олмаймиз. Эртага бизни жуда қийин ўйин кутиб турибди ва Ўзбекистон бу бир неча ой ичида жуда яхши ўйин кўрсатди. Афсуски, биринчи тўқнашувда дуранг қайд этилди, аммо футболчилар бўлажак баҳсга тайёр. Мухлислардан бизни қўллаб-қувватлашини истайман. Ҳайит байрамида томошабинларнинг стадионда бўлиши жуда ёқимли бўлади. Умид қиламанки, яхши натижа билан кейинги босқичга йўл оламиз", — деди эронлик футболчи.