Алиризо Фағони: "Жаҳон чемпионатида осиёлик ҳакамлар яхши ишлашди"
09 июл 2018 13:44
Новости

Алиризо Фағони: "Жаҳон чемпионатида осиёлик ҳакамлар яхши ишлашди"

Теги : ЖЧ-2018 Алиризо Фағони

Эронлик машҳур ҳакам Алиризо Фағони ЖЧ-2018да осиёлик ҳакамлар яхши ишлашганини айтиб ўтди.

"Жаҳон чемпионатига таклиф этилган барча осиёлик ҳакамлар ўзларини яхши томондан кўрсата олишди. Ўйлайманки, қитъамиз ҳакамларини яхши келажак кутиб турибди. Қолаверса иқтидорли ёшлар ҳам етишиб чиқмоқда".

Айтайлик, Фағони жаҳон чемпионати финалини бошқариши мумкинми? Бу ҳақда 40 ёшли ҳакам шундай деди: "Менинг энг катта орзум жаҳон чемпионати финалини бошқариш. Лекин ҳозирча ким бошқариши маълум эмас. Буёғига фақат Европа жамоалари қолганини ҳисобга олсак, балки ФИФА европалик ҳакамлар бригадасига ишонч билдириши ҳам мумкин. Лекин мен ўзимга ишонаман ва охиригача умид қиламан".

Маълумот учун, эронлик ҳакам мундиалда ҳозирча учта ўйинни бошқарди: Германия - Мексика, Сербия - Бразилия, Аргентина - Франция. Шунингдек, чорак финалдан ўрин олган Уругвай - Франция баҳсида тўртинчи ҳакам вазифасини бажарди.

Ссылка :

Источник : tehrantimes.com

Получайте новости прямо в Telegram!

Рейтинг: -2