Алибек Туробов: “Уйимизда очко йўқотишга ҳаққимиз йўқ”

Ушбу учрашувдан сўнг “Шўртан” клуби посбони Алибек Туробов ўз фикрларини билдирди.

“Локомотив” чемпионатимизнинг энг кучли жамоаси. Биз ушбу жамоага қарши иккинчи рақам остида ўйин олиб бордик. Биринчи бўлимда ўйлаган режаларамизўни амалга оширдик, лекин иккинчи бўлимда ўзимизнинг хатоларимиз туфайли дарвозамиздан кетма-кет 3 та гол ўтказиб юбордик.

Айтиб ўтганимдек “Локомотив” энг кучли клублар сирасига киради. ОЧЛда кучли саккизликка киришни ҳам ўзи бўлмайди. Агар “Ал-Айн”ни мағлуб эта олса ярим финалга йўлланмани қўлга киритади. Иккинчи голни ўтказганимиздан сўнг ҳимояни кучайтиришга қарор қилдик. Ушбу ўйинга яхши тайёргарлик кўргандик. Тошкентга ғалаба қозонамиз деб келгандик. Кейинги турда уйимизда “Нефтчи”ни қабул қиламиз. Ўз уйимизда очко йўқотишга ҳаққимиз йўқ”, - дейди “Шўртан” клуби посбони Алибек Туробов.


Жаҳонгир Сотволдиев