Алексей Естафеев: “Қийин ғалабага эришдик”
11 сен 2024 22:30
Новости

Алексей Естафеев: “Қийин ғалабага эришдик”

Про-лиганинг 19-туридан ўрин олган “Хоразм” - “Дўстлик” (0:2) учрашувидан сўнг меҳмонлар мураббийи Алексей Естафеев матбуот анжуманида иштирок этди.

Ўйин ҳақида

- Қийин ғалабага эришдик. Қийин деганимнинг сабаби, “Хоразм” жуда яхши шаклланган жамоа. Урганчга келиб очко олиб кетиш осон эмас. Мезбонлар бугун ҳам жуда яхши ўйин намойиш этишди. Биз ҳимоядаги ишончли ўйин ва жамоавий бирдамлик эвазига ғалабага эришдик. Ташкилотчилик учун “Хоразм” клуби вакилларига миннатдорчилик билдирган бўлардим.

- Жамоангиз сўнги ўринда бўлса ҳам, уларни ғалабага ундаш учун қандай ишларни амалга оширдингиз?

- Кетма-кет мағлубиятлар йигитларга руҳий томондан салбий таъсир кўрсатган эди. Юзага келган танаффус вақтида жамоа билан жиддий ишладик. Руҳий томондан уларга ишонч зарур эди. Олдиндаги ўйинларда ҳам ғалабаларга эришиб, натижаларимиз ижобий томонга ўзгаришидан умид қиламиз.

Ссылка :

Источник : championat.asia

Получайте новости прямо в Telegram!

Рейтинг: