Александр Хомяков: "Футбол 45 дақиқадан иборат эмас"
25 апр 2021 20:45
Новости

Александр Хомяков: "Футбол 45 дақиқадан иборат эмас"

Ўзбекистон Coca-Cola кубоги мусобақасининг гуруҳ босқичи 2-туридан ўрин олган "Қўқон-1912" - "Машъал" (3:2) учрашувидан сўнг меҳмонлар бош мураббийи Александр Хомяков матбуот анжуманида иштирок этди.

"Жуда қизиқарли учрашув бўлди. Ҳар икки жамоа ҳужумкор ва томошабоп руҳда ўйин намойиш этди. Дарвозаларга киритилган голлар сонининг кўплиги томошабинларга ҳам манзур келиши шубҳасиз.

Бугун икки хил тайм кўрдик. Биринчи бўлим давомида тўпни назорат қилишга ва рақиб дарвозасини ишғол этишни мақсад қилгандик, бу режамиз амалга ошди. Лекин иккинчи бўлимда биринчисидан фарқли равишда голлар ўтказиб юбордик. Иккинчи бўлимда ўйинимиз қовушди деб айта олмайман. Аксинча "Қўқон-1912" жамоаси тезликни оширган холда учрашувни ўз фойдаларига ҳал қилишди. Қўқонликлар таркибида маҳоратли ва курашувчан футболчилар жам бўлган. Бугунги мағлубиятни унутган холда олға давом этамиз. Гуруҳ босқичининг сўнги тури биз учун ҳал қилувчи баҳс ҳисобланади.

Табиий холда бугунги натижадан қониқиш ҳосил қилганим йўқ.Футбол фақат 45 дақиқадан иборат эмас. "Қўқон-1912"га муваффақият тилайман.

Қўқонликлар билан Муборакда кечган ўйинимиз ҳам томошабоп руҳда ўтганди. Ўша голни айтмаса, шу ўйин ҳам бугунгисидан фарқ қилмаганди", - дейди Хомяков.

Ссылка :

Источник : championat.asia

Получайте новости прямо в Telegram!

Рейтинг: +1