Александр Хомяков: "Биринчи бўлимда жуда суст ҳаракат қилдик"
13 апр 23:41
Новости

Александр Хомяков: "Биринчи бўлимда жуда суст ҳаракат қилдик"

Ўзбекистон кубогининг 1-туридан ўрин олган "Андижон" - "Динамо" (2:2) учрашувидан сўнг мезбонлар бош мураббийи Александр Хомяков матбуот анжуманида иштирок этди.

Ўйин ҳақида

- Қийин ўйин ўтказдик. "Динамо" бу ўйинга жиддий тайёргарлик кўришини билардик. Улар ўтган мавсум кубок учрашувларида яхши натижа кўрсатишганди. Яхши ўйин учун рақибларга миннатдорчилик билдираман.

Ўйиннинг биринчи бўлимида жуда суст ҳаракат қилдик. Жамоа ўйини ўзига ўхшамади. Иккинчи бўлимда вазиятни ўз томонимизга оғдира олдик, устунлик ва назорат биз томонга ўтди. Қарши ҳужумда гол ўтказиб юбордик. 90 дақиқа давомида вазиятларга бой ўйин бўлди. Стадиондаги муҳит, мухлислар, барчаси жуда ажойиб.

- Захираларда тактик хатога йўл қўйдим деб ҳисоблайсизми?

- Тушунарсиз савол. Захирадан ўйинга қўшилган 2 та футболчи гол урган бўлса, бу қандай қилиб мендаги хато бўлиши мумкин? Захиралар ўйинимизни кучайтирди. Биргина қарши ҳужумдан гол ўтказиб юбордик. Иккинчи бўлимда захираларни амалга оширдик, ўйинмизга тезкорлик қўшилди. Вазиятларимиз кўпайди, шунинг эвазига 2 та тўп киритдик.