Александр Волков: “Ал-Жаиш” – “Бунёдкор” баҳсини финалга қиёслаган бўлардим”

 - Қатар мамлакатида бўлган дўстларим менга бу юрт ҳақида кўплаб илиқ фикрларни билдиришган эди. Қатар аҳолисининг меҳмондўстлиги қандай эканлигини уларнинг бизга кўрсатаётган эътибори ва яратиб берган шароитларидан кўриб турибмиз. Ўйинга тўхталадиган бўлсам, “Ал-Жаиш” – “Бунёдкор” баҳсини финалга қиёслаган бўлардим. Ғолиб курашни давом эттиради, мағлуб турнирни тарк этади. Бундай масъулиятли ўйинга биз тайёрмиз. “Ал-Жаиш” таркибида таснифи юқори бўлган футболчилар жамланишган. Рақибни малакали мутахассислар бошқаришмоқда. Бундай юксак клуб бизга қарши дуранг натижани кўзлаб ўйнамаса керак. Улар албатта ғалаба учун тўп тепишади. Биз ҳам фақат ва фақат ғалаба учун ҳаракат қиламиз. Бу эса жуда чиройли ва томошабоп ўйин дегани. Ўйлайманки, эртага ҳар иккала жамоа аъзолари ишқибозлар учун ажойиб футбол спектакли намойиш этиб беришади. Жамоамизда бетоб ва жароҳатланган ўйинчилар бор. Лекин шунга қармасдан, футболчиларимиз “Ал-Жаиш”га қарши баҳснинг қадри қанчалик баланд эканлигини ҳис қилиб туришибди, - дейди Александр Геннадьевич.