Александр Ежов: "Биз "Шўртан"ни ўйиндан олдин "ютиб бўлгандик"

"Биринчи навбатда "Шўртан"ни ҳақли ғалаба билан табриклайман. Биринчи таймда Ғузор клуби ҳар томонлама бизни мағлуб этди", - Александр Ежов.

- Иккинчи таймда жамоаингизни ўзгартириб қўйишгандек туюлди...
- Бугун йигитлар кет-кет учта ўйинда ютиб хотиржамликка берилишди шекилли. Ғузорда осонгина ютамиз деб ўйлашди менимча. Бундан ташқари бизда жароҳат олганлар кўп, ярим жамоамиз уколлар ёрдамида майдонга тушишмоқда. Афсуски футболни алдай олмайсан, ким кўпроқ югурса, кўпроқ ҳаракат қилса ўша томон ютади. Бугун "Шўртан" шунда ўйнади, уларда истак ҳам юқори бўлди.

- "Хоразм" биринчи даврада худди шу ҳисоб билан ютганди, бугун эса мағлубият. "Шўртан" асосий таркибни шакллантиришда қийинчиликка дуч келган клуб ҳисобланади, ниманинг эвазига бундай йирик ҳисоб қайд этилди деб ўйлайсиз?
- Менимча йигитлар ўйиндан олдин "Шўртан"ни "ютиб бўлганди". "Шўртан" юқорида айтганимдек биздан кўпроқ югурди.

- Бугун қайси чизиқдан кўнглиз тўлмади?
- Бутун жамоадан кўнглим тўлмади.

- Бугун футболчиларга ҳам, мураббийга ҳам эътироз қилмадингиз... Бошқа ўйинларда ҳам шундаймисиз?
- Барча эътирозимни танаффус вақтида футболчиларга билдирдим (кулади). Ўйинда рақиб бизни шунчаки мағлуб этганида ҳакамга эътироз билдириб нима қиламан?