"Ал Ваҳда" – "Локомотив" учрашувини гонконглик ҳакамлар бошқаради
01 апр 2018 17:09
Новости

"Ал Ваҳда" – "Локомотив" учрашувини гонконглик ҳакамлар бошқаради

Эртадан қитъамизнинг бир қатор шаҳарларида Осиё Чемпионлар Лигасининг гуруҳ босқичи 5-тур ўйинларига старт берилади.

Бу турда Тошкентнинг "Локомотив" клуби БААда "Ал Ваҳда" жамоаси меҳмони бўлади. ОФК ушбу баҳсни бошқариб боришни гонконглик ҳакамлар бригадасига ишониб топширди. Унга кўра, ўйинда бош ҳакам вазифасини Лиу Квок Ман бажаради. Унга қанотларда Фок Понг Чинг ҳамда Лав Минг Леонг ёрдам беришади. Учрашув комиссари – малайзиялик Жейсинг Гнана Канну.

ОЧЛ-2018 / Гуруҳ босқичи, 5-тур
БАА / Абу Даби / Zayed Sports City Stadium
"Ал Ваҳда" – "Локомотив"
Бош ҳакам: Лиу Квок Ман (Гонконг)
Қанот ҳакамлари: Фок Понг Чинг, Лав Минг Леонг (Гонконг)
Захира ҳаками: Заид Тамер Муҳаммад (Ироқ)
Назоратчи: Сринивасан Суреш (Ҳиндистон)
Комиссар: Жейсинг Гнана Канну (Малайзия)

Таъкидлаб ўтамиз, "Ал Ваҳда" – "Локомотив" учрашуви 3 апрель куни Абу Дабидаги "Zayed Sports City Stadium" ўйингоҳида бўлиб ўтади. Учрашув бизнинг вақтимиз билан соат 20:10да бошланади.