"Ал Насср" Эдерсонга жуда катта маош таклиф қилмоқда

"Манчестер Сити" дарвозабони Эдерсонга Саудия Арабистонидан таклиф бўлаётгани ҳақида хабар қилинганди. "Ал Насср" клуби "Сити" Киперига ҳафтасига 600 минг евро маоши беришга тайёрлиги маълум бўлди. Бу Эдерсон "Сити"да топадиган пулдан уч баробар кўп ҳисобланади. Бу даражадаги катта маошни "Сити" ҳеч қанақасига таклиф қила олмайди. 

"Манчестер Сити" Эдерсонни сақлаб қолмоқчи. Агарда дарвозабон кетиш ниятини билдирса, "Сити" уни сотишга тайёр. Инглиз клуби иккинчи рақамли дарвозабон Штефан Ортега билан шартномани узайтирганидан сўнг вазиятга бироз босиқлик билан қарамоқда. 

Маълумот учун, Эдерсон ўтган мавсум АПЛда 33 та ўйинда майдонга тушиб, 13 та ўйинда дарвозаси даҳлсизлигини сақлаб қолган.