“Ал Жайиш”да ғалаба, Ромариньода хет-трик, Рашидов захирадан майдонга тушди

Терма жамоамиз ярим ҳимоячиси Сардор Рашидов тўп тепаётган “Ал Жайиш” клуби ўз майдонида “Умм Салал”ни қабул қилди. Бу клуб Санжар Турсуновнинг собиқ жамоаси ҳисобланади.

Учрашувда катта ташаббусга эга бўлган “Ал Жайиш” 4:2 ҳисобида зафар қучди. Чемпионат тўпурари Ромариньо ўйинда хет-трикка эришди. Яна бир гол Сейду Кейта ҳисобига ёзилди.

Ҳамюртимиз Сардор Рашидов эса 62-дақиқада захирадан Али Санад ўрнига майдонга туширилди. Сабри Лямуши шогирдлари 86-дақиқага қадар 4:0 ҳисобида олдинда бораётганди.

Лекин 86-дақиқада Исмоил Маҳмуд пеналтидан, 89-дақиқада Алеф ўйиндан гол киритиб, ҳисобни бироз қисқартиришга муваффақ бўлишди. Турнир жадвалида “Лаҳвия” ва “Ал Жайиш” клублари 13тадан очко жамғариб, пешқадамлик қилишяпти.

Қатар Юлдузлар лигаси. Мусобақа жадвали