"Ал Араби" "Ал Садд"ни тор-мор этиб, Амир Кубогини қўлга киритди
13 мая 2023 10:53
Новости

"Ал Араби" "Ал Садд"ни тор-мор этиб, Амир Кубогини қўлга киритди

Кеча Қатарда 18 карра Амир Кубоги эгаси "Ал Садд" "Ал Араби"га 0:3 ҳисобида имкониятни бой берди.

"Аҳмад бин Али" стадионида кечган баҳс биринчи бўлими "Ал Садд" устунлигида ўтган бўлса-да, ҳисоб очилмади.

"Ал Араби" биринчи таймда йўқотишга йўлиқди – Юссуф Мсакни жароҳат туфайли майдонни тарк этди. Танаффусдан кейин унинг ўрнига Ҳамид Исмоил майдонга тушди.

Иккинчи тайм бошида суриялик ҳужумчи Умар Ас Сома ҳисобни очди. Орадан 20 дақиқа ўтиб, ҳисоб ўзгарди. Бу гал Ҳамид Исмоил гол урди. Учрашув ниҳоясига оз вақт қолганда яна Умар Ас Сома катта саҳнага чиқди ва ҳисобни 3:0 кўринишига келтирди. Шу тариқа, "Ал Араби" узоқ йиллик танаффусдан кейин совринни ютиб олди.

Энди "Ал Араби" ОЧЛ плей-оффида ОКМК билан тўқнаш келиши мумкин. Олмалиқ клуби дастлабки босқичда Бангладешнинг "Башундара Кингс" жамоаси билан учрашади. Ғолиб айнан Қатар жамоасига қарши баҳс юритади.

Эслатиб ўтамиз, саралаш босқичи ўйинлари 15 август куни бўлиб ўтади ва Ўзбекистоннинг ҳар икки клуби ўз майдонида ўйнайди. Дастлаб ОКМК "Башундара Кингс" билан, сўнг "Навбаҳор" Уммоннинг "Ал Сиб" клуби билан рўбарў келади.

Ссылка :

Источник : championat.asia

Получайте новости прямо в Telegram!

Рейтинг: +6