Акмал Шораҳмедов: "Футболчи терма жамоага ёрдам беришга доим тайёр бўлиши лозим"

Сайтимиздаги "GOAL" лойиҳаси меҳмони бўлган Акмал Шораҳмедов терма жамоага нимага чақирилмаётгани ҳақидаги саволга қўйидагича жавоб қайтарди:

- "Ҳар битта мураббийнинг ўз ўйин услуби мавжуд. Натижага мураббий жавобгар. Шу боис кимни чақиришни мураббийнинг ўзи ҳал этади. Лекин футболчи ҳам доим тайёр бўлиши лозим. Исталган пайтда кимдир жароҳат олиб қолиши мумкин. Ўшанда футболчи тайёр бўлиши лозим.  Якунда терма жамоага ким яхшироқ спорт формада бўлса ўша жалб этилади. Масалан ҳозир “Бунёдкор”  тўртинчи ўринда кетмоқда. Шу боисдан ҳозир бизни чақирмаганидан ранжишга ҳаққимиз йўқ. Чемпионатда пешқадам бўлсак ҳам майлиди. Ҳозирги ҳолатимни яхши дея олмайман. Буни сабаби сифатида, ўтган йилги мавсумни тугатмасдан яна йиғинларда иштирок этганимизни айтишим мумкин. Узлуксиз дам олмасдан туриб шуғулланавериш одамни чарчатиб қўяди. Битта манда эмас, балки кўпчилик футболчиларда ҳозир чарчоқ аломатлари сезилмоқда", - дейди Акмал Шораҳмедов.