Аҳмедовнинг таклифи билан Ўзбекистонда бўлиб турган италиялик мураббий Бойсунда
27 ноя 2019 11:14
Новости

Аҳмедовнинг таклифи билан Ўзбекистонда бўлиб турган италиялик мураббий Бойсунда

Ўзбекистонда болалар футболини ривожига ўзининг муносиб хиссасини кушаётган Одил Аҳмедовнинг таклифи билан Ўзбекистонда булиб турган италиялик мутахассис Даниэль Андреоци бугун Сурхондарё вилоятининг Бойсун туманига ташриф буюрди.

1 ҳафта давомида Одил Аҳмедов академиясининг 2009-2012 йилларда таваллуд топган футболчилари билан машғулот олиб борган римлик кейинги ҳафтада Тўрақўрғондаги базада 2005-2008 йилларда таваллуд топган футболчилар билан ишлади. Хафта давомида мураббийларга керакли маслахатларни бериш билан бирга Римнинг "Рома" жамоаси томонидан қўлланиладиган тест машғулотларини ўтказди.

Эндиги ҳафта Андреоци Сурхондарё ва Самарқанд вилоятларида бўлади. Бу ерга ташрифдан асосий максад, 2020 йил ёз фаслида очилиши кутилаётган Бойсун Футбол академияси лойиҳаси билан танишиш. Бу борада Элмуродовлар оиласи ҳудудга катта футболни қайтариш йўлида кенг кўламда иш олиб бораяптилар. 26-27 ноябрь кунлари мутахассис бу ердаги футболчилар билан машғулот ўтказади.

28-29 ноябрь кунлари Андреоци Самарқанддаги "Одил Аҳмедов ФА" филиалида бўлади ва бу ердаги футболчилар билан машғулот ўтказиб, тест олади.

Тўртинчи ҳафтада мураббий пойтахтда 6 кунлик семинар ташкил этади ва мураббийлар малакасини ошириш йўлида ўзининг керакли маслаҳатлари ва 2018 йил такдим этилган методика бўйича амалий қўлланмаларни намойиш этиб беради.

Ссылка :

Источник : Championat.asia

Получайте новости прямо в Telegram!

Рейтинг: +12