АГМК Германия клубини йирик ҳисобда мағлуб этди

Учрашув голларга бой тарзда ўтди. 4-дақиқада рақиб жамоа вакили узоқ масофадан Акбар Тўраев қўриқлаётган дарвозани ишғол қилди. Орадан 10 дақиқа ўтиб Исмар Тандир ҳисобни тенглаштирди. 28-дақиқада Антон Землянухин жамоамизни ҳисобда олдинга олиб чиқди. 32-дақиқада Санжар Рихсибоев учинчи голга муаллифлик қилди. Орадан уч дақиқа ўтиб Антон ўзининг иккинчи тўпини рақиб дарвозасига йўллади.

Иккинчи таймда устунлик тўлалигича АГМК тарафида бўлсада, ўйиндаги якуний ҳисоб 4:1дан бошқа ўзгармади.

Мазкур баҳсда жамоа сафида шуғулланаётган 17 нафар футболчи иштирок этди. Қолган футболчилар машғулот ўтиш билан чекланишди. Сабаби, эртага АГМК Қарағанданинг "Шахтёр" жамоаси билан ўртоқлик ўйини ўтказади.

АГМК - "СВ Олбернхау" 4:1
Голлар: Исмар Тандир 14, Антон Землянухин 28, 35, Санжар Риҳсибоев 32 -  Тони Шустер 4.
АГМК: Акбар Тўраев, Дилшод Жўраев, Исмар Тандир, Ғулом Ҳайдар Ғуломов, Антон Землянухин, Сайдулло Раҳматов, Шаҳзодбек Алақулов, Шаҳбоз Умаров, Жавлон Гусейнов, Санжар Риҳсибоев, Хуршидбек Мухторов.
Захирадан тушганлар: Низомиддин Зиёвутдинов, Отабек Зокиров, Камронбек Абдулҳамидов, Абдумалик Абдуллаев, Владимир Бубанья, Муҳаммад Исаев.