АГМК - "Андижон": Превью

АГМК "Андижон"га қарши ўйинларда 10 маротаба зафар қучган. Юбилей 10-ғалабага яқиндагина Андижонда ўтган биринчи давра доирасидаги баҳсда эришилганди. "Андижон" эса АГМК устидан 4 бор ғалаба нашидасини суришга муваффақ бўлган. Мазкур ғалабаларга "Андижон" жамоаси 2008, 2009, 2010 ва 2011 йиллардаги мавсумда, ўз уйида кечган беллашувларда эришган. Яъни, АГМК Олмалиқда "Андижон"га ҳеч бўйин эгмаган. Ушбу жамоалар ўртасидаги қолган 3 учрашувда эса дуранг натижаси қайд этилган. Мазкур муроса йўлига келинган 3 беллашувдан иккитаси (2014, 2016) Олмалиқдаги баҳсда содир бўлган. Андижонда эса жамоалар бир маротаба, яъни 2014 йилги мавсумда дуранг қайд этишган. Қизиғи, 2014 йилги мавсумдаги ҳар иккала баҳсда ҳам ғолиб номи аниқланмаган.

Шу тариқа мазкур қарама-қаршиликдаги сезиларли устунлик АГМК тарафида. Тўплар нисбати бўйича ҳам кўрсаткич табиийки АГМК фойдасига хизмат қилмоқда: 30-20.

Мазкур ўйинга жамоалар икки хил кайфиятда келишмоқда. Суперлиганинг иккинчи даврасидаги илк турда АГМК Бекободда ҳакамлик қурбонига айланиб мағлубиятга учраган бўлса, "Андижон" ўз уйида кечган баҳсда "Бухоро"ни (2:0) таслим этди. Эътиборли тарафи, иккинчи даврага тайёргарлик босқичи доирасида АГМК ҳам "Бухоро"га қарши назорат ўйинини ўтказган ва худди "Андижон" каби 2:0 ҳисобидаги ғалабани тантана қилганди. Александр Хомяков жамоаси россиялик мутахассис қўл остида ўзининг илк ғалабасини ўтган турда расмийлаштирди. Бу ғалаба "Андижон" учун мавсумдаги иккинчисига айланди.

АГМК - "Андижон" учрашуви қизиқарли кечишига бир қанча омиллар мавжуд. Биринчи навбатда ҳар иккала жамоага ҳам очко сув ва ҳаводек зарур. Шунингдек, жамоалар турнир жадвалида бир хил очко жамғарган ҳолда "қўшни"га айланишган. Бу эса мазкур тўқнашув қадрини икки ҳиссага оширади ва Олмалиқдаги баҳс табиийки 6 очколик ўйинга айланади.

АГМК"Андижон" устидан биринчи даврадаги муваффақиятни такрорлаш учун жиддий бел боғлаган.

Қайд этиш керакки, бу учрашувда АГМКни бош мураббий Миржалол Қосимов дисквалификация туфайли бошқариб тушмайди. "Металлург" билан ўйинда олинган қизил карточка эвазига Миржалол Қосимов ўйинни трибунада кузатади.

Мазкур ўйинда АГМК ўзининг анъанавий сариқ рангли либосда ҳаракат қилади. "Андижон" эса оқ либосда майдонга тушади.

Эслатиб ўтамиз, АГМК - "Андижон" учрашуви 31 июль куни Олмалиқдаги ОКМК "Марказий" стадионида соат 19:00да бошланади.

OKMK Зафар Палванов - 71', Элгужа Григалашвили - 81'

Суперлига. Тур 15 31/07/2019, 19:00 2 : 2 Завершен

Андижан Каҳрамон Баҳодиров - 51', Шахзод Убайдуллаев - 67'

45'

90'

46'  Миржамол Касымов ()

46'  Дильшод Джураев (Жасур Умаров)

71'  Зафар Палванов

81'  Элгужа Григалашвили

50'  Абдурахман Абдулхаков (Каҳрамон Баҳодиров)

51'  Каҳрамон Баҳодиров

67'  Шахзод Убайдуллаев

68'  Каҳрамон Баҳодиров (Ойбек Киличев)

74'  Шахзод Убайдуллаев (Роббим Хасанов)

Открыть в Матч-Центре