Агар судда ютқазса, "Манчестер Сити" нафақат АПЛ, балки бошқа мусобақaлардан ҳам четлатилади
19 сен 2024 19:32
Новости

Агар судда ютқазса, "Манчестер Сити" нафақат АПЛ, балки бошқа мусобақaлардан ҳам четлатилади

Ҳафта аввалида "Манчестер Сити"га нисбатан айбловлар бўйича суд иши старт олди.

Бир ярим йил аввал клуб молиявий қоидаларни 115 марта бузганликда айбланганди. Агарда вазият кескин тус олса ва айбловларнинг катта қисми асосли деб топилса, жиддий санкциялар киритилиши мумкин. Мисол учун "шаҳарликлар" Англия премьер-лигасидан чиқариб юборилиши ҳақида анчадан буён ёзилмоқда.

"Telegraph Sport"нинг ёзишича, Премьер-лигадан чиқариб юборилган тақдирда "Манчестер Сити" бошқа мусобақалар – Англия Кубоги, Лига Кубоги, Чемпионлар Лигаси ва клублар ўртасидаги жаҳон чемпионатида ҳам иштирок эта олмайди.

Манба ушбу фикрни Англия Кубоги қоидаларининг 31 банди билан асосламоқда. Ўша банда шундай дейилган: "Агар клуб мусобақада иштирок этишига руҳсат берилган, аммо кейин ундан чиқариб юборилган (ёки лигадаги иштироки тўхтатиб турилган) тақдирда, Профессионал ўйин палатаси [PGB] клубни мусобақадан четлаштириши мумкин.

Ўз навбатида, Чемпионлар Лигаси қоидалари ҳам анчагина мураккаб ва у ерда кўп нарса клуб лицензиясига боғлиқлиги таъкидланади.

Ссылка :

Источник : Telegraph Sport

Получайте новости прямо в Telegram!

Рейтинг: +3