Агар Даврон Файзиев кетса, ўрнига Фурқат Эсонбоев келадими?

Натижада жамоа бу турда ҳам очко ола билмади. Жиззахликлар айни пайтда бир очко билан турнир жадвалининг охирги поғонасида боришмоқда.

Бундан ташқари “Сўғдиёна” мана шу олтита беллашувда ўз дарвозасидан 16 марта гол ўтказиб юборди. Бу эса кўп деганидир. Кечаги ўйиндан кейин матбуот анжуманида қатнашган жамоа бош мураббийи Даврон Файзиев яқин орада ишдан бўшаши мумкинлигини айтиб ўтди. Чунки ҳар қандай мураббий кетма-кет мағлубиятларда ўзини айбдор сифатида ҳис қилади. Жиззахликлар Файзиевни ҳарқанча ҳурмат қилмасин, мураббий ишдан кетмоқчи.

Бу футболда кузатиладиган ҳолат. Натижа бўлавермагач, ҳамма ерда аввало мураббийга чиқиш эшиклари кўрсатилади. Мабодо Даврон Файзиев ўз лавозимини тарк этадиган бўлса, ўрнига ким келади? Бизнинг тахминимизча, Фурқат Эсонбоев “Сўғдиёна”нинг янги бош мураббийи бўлиши мумкин. Чунки Фурқат ака ўз вақтида “Сўғдиёна”да ўйнаган, қолаверса мураббий сифатида ҳам шу жамоада ишлаган. Шундай экан, воқелар бундан кейин қандай тус олишини кузатамиз.

Х.Холиқов.