Агар бизникилар китоб ёзса...

Жумладан, Диего Марадона, Зепп Блаттер, Алекс Фергюсон... Қисқаси, фаолияти ҳақида китоб ёзган машҳур инсонлар кўп. Китобларнинг аксари катта тиражларда чоп этилганига қарамасдан жуда тезда сотилиб кетгани ҳам ҳеч кимга сир эмас. Чунки муаллифлар ўз асарларида фаолиятидаги мухлислар билмаган ҳақиқатларни, ички сирларни қисман бўлса-да, ошкор қилишади. Айнан шу туфайли ҳам китоблар тез қўлма-қўл бўлиб кетади.

Қизиқ, ўзбек футболида фаолият кўрсатаётган ёки кўрсатган расмийларимиз ҳам шундай мазмундаги китоблар ёзса, унинг сотуви қандай бўлар экан-а?! Ўйлашимча, бизда ҳам бундай китобларнинг сотуви чаққон бўлади, фақат бунинг биргина оддий шарти бор: муаллиф ўз китобига ҳеч бўлмаса 50 фоиз ҳақиқатни киритса, бундай китобларнинг сотувидан яхшигина маблағ ишлаб олиш мумкин бўлади. 

Биз хорижлик юлдузлардан кўра, ўзимизникиларни кўпроқ яхши кўрамиз. Уларни ҳурмат қиламиз, улар учун қайғурамиз, уларнинг ҳаёти биз учун қизиқ. Шунинг учун улардан ўз ҳаёт йўлларига бағишланган китобларни кутиб қоламиз.  

Фурқатбек Нишонов