Африка миллатлар чемпионати-2023. Мусобақанинг финалчилари маълум бўлди

Мезбонлар ярим финалда Нигерни 5:0 ҳисобида таслим этиб, Сенегал эса минимал натижа (1:0) билан Мадагаскардан устун келган ҳолда ҳал қилувчи баҳсга йўл олишди.

3-ўрин учун баҳс 3 февраль (23:59) куни Нигер ҳамда Мадагаскар ўртасида бўлиб ўтади. Финал эса 4 февраль куни (23:59) Баракидаги “Нельсон Мандела” номидаги ўйингоҳга белгиланган ва унда Жазоир ҳамда Сенегал бош соврин учун баҳс олиб боради.

Маълумот ўрнида, мазкур мусобақанинг Африка Миллатлар Лигасидан фарқи унда фақат қитъадаги миллий чемионатларда ҳаракат қилаётган футболчилардан тузилган терма жамоалар иштирок этади. Яъни, хориж клубларида ўйнаётган футболчилар қатнашмайди.

Африка миллатлар чемпионати-2023'да жазоирлик Аймен Махиус 5 та гол билан тўпурар бўлиб турибди.