Абрамов “Бухоро”нинг икки етакчисини жамоасига чорлади
31 янв 2019 11:54
Новости

Абрамов “Бухоро”нинг икки етакчисини жамоасига чорлади

Тошкентнинг “Бунёдкор” жамоасига айни дамда янги мураббийлар штаби қўли остида янги мавсумга астойдил тайёргарлик кўрмоқда.

"Қалдирғочлар” билан шартномаси якунига етган бир қатор футболчилар бошқа жамоага ўтиб кетгани муносабати билан Вадим Абрамов олдида таркиб бўйича ўзига яраша муаммолар юзага келмоқда.

Шу боис Вадим Карленович ҳозирда ёшлар жамоасидаги иқтидорли футболчиларга имконият бериб, уларни кўздан кечирмоқда. Шунингдек “Бунёдкор” устози ўзи яхши билган тажрибали ўйинчиларни ҳам ёрдамга чақирмоқда. Хусусан сўнгги икки йилни “Бухоро”да ўтказган Шавкат Саломов билан Азиз Ибрагимов катта эҳтимол билан жорий мавсум “Бунёдкор” шарафини ҳимоя қилади. Айтишларича, Вадим Абрамовнинг ўзи ушбу футболчиларга аниқ таклиф билан чиққан.