Абдусамад Дўрмонов: "Про лигани трансляция қилиниши қувонарлидир"

"Ўйинни кўрдилар, кўплаб вазиятлар яратдик. Лекин, тўп дарвозага кирмади. Футбол шунақа нарса, яратилган яримта имкониятдан ҳам фойдаланиш керак. Ҳужумчиларимизда совуққонлик етишмади. У ҳимоячими ёки ҳужумчими доим ўз устида ишлаши лозим. Якунда дуранг қайд этдик. Умуман олганда яхши ўйин бўлди. Футбол бизни ҳаётимиз. Ғалаба ва мағлубиятлар бўп туради. 

Дилёрбек Эрматовни жароҳати бор. Шу боис унга бугун дам бердик. Умид қиламизки кейинги ўйинга қадар сафимизга қайтади. Жамоадаги барчага ишонч билдиришга ҳаракат қиляпмиз. 

Про лигани транслятсия қилиниши яхши нарса бўлди. Барча кўриши, кузатиб бориши керак. Бу ҳам бизни футболимизни бир қисми. Боз устига ҳозир пандемия сабаб мухлислар стадионга киритилмаяпти. Шунинг учун ишқибозлар ҳам Про лигани телеэкран орқали томоша қилиб боришса мақсадга мувофиқ бўларди. Албатта, Суперлигага чиқишга имкониятларимиз етади. Ўйиндан-ўйинга кучайиб борамиз",- дейди Абдусамад Дўрмонов. 

Жаҳонгир Файзуллаев ёзиб олди.