Абдулатиф Абдуқодиров: “Янги бош мураббий менга ишонч билдирмоқда”
13 сен 2015 15:30
Новости

Абдулатиф Абдуқодиров: “Янги бош мураббий менга ишонч билдирмоқда”

“Андижон” - “Қизилқум” (3:2) баҳсида иккинчи бўлим бошида майдонга тушган ҳужумчи Абдулатиф Абдуқодиров учрашувга тез киришиб кета олди ва қисқа вақт ичида рақиб дарвозасига гол уришга эришди.

Айтиш керакки, бу гол Абдуқодировнинг жорий мавсумдаги дастлабкисидир. Ўйиндан сўнг футболчининг фикрлари билан қизиқдик.

- “Қизилқум” билан баҳсда қандай бўлмасин ғалаба қозонишимиз шарт эди. Чунки бизни фақат уч очко қониқтирарди. Шунинг учун астойдил тайёргарлик кўргандик. Жамоада мураббий ўзгарди. Бунгача ишлаб келган Эдгар Гесс пайтида асосан захирада қолиб кетаётгандим. Тўғриси, у менга ишонч билдирмади. Вақтинчалик тайинланган бош мураббий Сергев Ковшов эса менга ишонч билан қарамоқда. Бундан хурсандман. Мана бугун иккинчи бўлим бошидан майдонга туширди. Ўз навбатида омадим келиб, кўп вақт ўтмай рақиб дарвозасини ишғол этдим. Қолаверса ўйинга ҳам киришиб кетишим осон кечди. Футболчиларни яхши биламан ва улар билан анча вақтдан буён бирга ўйнаб келмоқдамиз. Албатта урган голим билан жамоага фойда келтирганимдан хурсандман. Насиб қилса келгуси учрашувларда ҳам мураббийлар штаби ва мухлисларни ишончини қозонишга харакат қиламан - дейди Абдуқодиров.

Ссылка :

Источник : championat.asia

Получайте новости прямо в Telegram!

Рейтинг: +1