Аббос Махситалиев: “Мухлисларимиз ҳам натижадан хурсанд бўлишди”
17 мар 2017 12:02
Новости

Аббос Махситалиев: “Мухлисларимиз ҳам натижадан хурсанд бўлишди”

Кеча Ўзбекистон чемпионати 3-тур учрашуви доирасида Наманганнинг “Навбаҳор” клуби Фарғонанинг “Нефтчи” жамоасига қарши баҳс олиб борди.

Ушбу учрашувда томонлар муроса йўлини танлашди 1:1. Қизиқарли кечган учрашувдан сўнг “Нефтчи” клуби футболчиси Аббос Маҳситалиев ўйин ҳақида ўз фикрлари билан ўртоқлашди.

“Навбаҳор”га қарши учрашув жуда ҳам қийин бўлди. Баҳснинг сўнгги дақиқаларида бироз ҳимояга ётиб олиб ҳаракат қилганимиз учун қийинчиликка дуч келдик. Дуранг натижа ва чиройли ўйин бўлгани учун мухлисларимиз ҳам натижадан хурсанд бўлишди. Олдимизда кубок ўйини кутиб турибди. Барча учрашувларга бир хилда тайёргарлик кўрамиз”, - дейди “Нефтчи” футболчиси Аббос Махситалиев.

Шерзод Ҳамдамов ёзиб олди