Аббос Ғуломов: "Футбол тўхтаса, ҳаёт тўхтаб қолгандек бўлар экан"
14 апр 2020 14:54
Новости

Аббос Ғуломов: "Футбол тўхтаса, ҳаёт тўхтаб қолгандек бўлар экан"

"Навбаҳор"нинг ёш, иқтидорли футболчиларидан бири Аббос Ғуломов карантин даврини уйда қандай ўтказаётганлиги ҳақида гапирди.

"Карантинни барча қатори мен ҳам оилам билан бирга ўтказяпман. Мураббийларимиз спорт формасини юқори даражада ушлаб туриш учун керакли тавсиялар беришган. Айнан ушбу тавсиялар асосида якка тартибда шуғулланяпман. Албатта, якка тартибдаги машғулотнинг жамоавий машғулотдан фарқи бўлади. Шунга қарамасдан, имкон қадар спорт формамни юқори даражада сақлаб қолишга ҳаракат қиляпман.

Тўғриси, футболни жуда соғиндим. Футбол тўхтаса, ҳаёт тўхтаб қолгандек бўлар экан. Намангандаги ажойиб футбол атмосферасини барча яхши билади. Ўйлайманки, карантин қоидаларига қатъий риоя қилсак, тезроқ яна ўша атмосферани кўришимиз мумкин бўлади”, – деди Ғуломов.

Ссылка :

Источник : pfl.uz

Получайте новости прямо в Telegram!

Рейтинг: +5