А ПРО-Лига. “Нефтчи” сўнгги дақиқада гол ўтказди ва “Оқтепа”га мағлуб бўлди (батафсил шарҳ)

Учрашув ҳар икки жамоа вакилларирингинг фаол ҳаракатлари билан бошланди. Биринчи бўлим 6-дақиқасида мезбонлар жарима тўпи тепиш ҳуқуқига эга бўлишди. Бу вазиятда Исломбек Каримовнинг жаримадан йўллаган зарбаси “жонли девор”га тегиб қайтди. 18-дақиқага келиб меҳонлар хавфли жарима зарбасини амалга оширишди, жаримадан йўллаганга зарбани “Нефтчи” посбони Музаффар Абдуллаев қийинчилик билан қайтарди, қайтган тўпга меҳмонлар футболчиси зарба берди, бир оз ноаниқ. Биринчи бўлимда ҳар икки жамоа вакилларида рақиб дарвозасини ишғол этиш учун вазиятлар юзага келган бўлса-да, ҳисоб очилмади.

Иккинчи бўлимни “Нефтчи” вакиллари фаол ҳужумлар билан бошладилар. 46-дақиқадаёқ ҳисоб очилиши мумкин эди,бу вазиятда меҳмонлар жарима майдони ичида рақиб дарвозасини ишғол этиш учун “Нефтчи”нинг 7-рақамли футболчиси Исломбек Тошпўлатовда қулай имконият юзага келди, лекин унинг зарбасини меҳмонлар посбони қийинчилик билан қайтариб қолди. Шу куни ввалиг учрашувларда жарима зарбаларидан гол киритиб келаётган Исломбек Каримовнинг бир неча бор йўллаган зарбаларига аниқлик етишмади. Иккинчи бўлимга ҳакам томонидан қўшиб берилган сўнги дақиқалар ўтиб бораётган паллада заҳирадан ўйинга қўшилган меҳмонлар вакили Ирисдавлат Ҳакимовнинг зарбасидан сўнг “Нефтчи” посбони Музаффар Абдуллаев ўз дарвозасига тўп киритиб қўйди - 0:1. Учрашув шу тариқа меҳмонларнинг кичик ҳисобдаги ғалабаси билан якунланди.

ПРО-лига. "А" гуруҳи.
5-тур
“Нефтчи”-“Оқтепа” 0:1 (0:0)
Гол: Музаффар Абдуллаев автогол 90+3 (0:1)
Ҳакамлар: И.Исмоилов, Р.Фозилов,М.Нехочин, Ш.Азамов
Назоратчи: Р.Айтеков.
Комиссар: О.Юнусов.
"Нефтчи": 12. Музаффар Абдуллаев, 3. Даврон Маматов, 4. Шодиёр Хожиматов, 7. Исломбек Тошпўлатов, 10. Хуршид Асқаралиев, 11. Хамидулло Абдухамидов, 13. Жамшид Қобулов, 15.Миржалол Неъматов, 18.Даврон Исоқов, 20. Дилёр Ирматов, 77. Исломбек Каримов.
Захира: 21. Фаррух Турдалиев, 2. Асилбек Ғойибжонов, 8. Достон Абдураҳмонов, 9. Носирбек Отақўзиев, 14. Абдужалил Маназаров, 16. Хуршид Мухаммадов, 17. Илхом Вахобов, 19. Алишер Абдувохидов, 23. Шахзодбек Усмонов
“Оқтепа”: 1.Рустам Дадабоев, 2.Алишер Саматов, 3.Алишер Мирзаев, 5.Шахбоз Таджиев, 9.Мирзохид Мирсаидов, 10. Саиджамол Давлатжонов , 17. Савелий Абрамов, 19.Ойбек Мирзохидов, 21.Орифхўжа Абдухолиқов, 28.Искандар Сиддиқжонов, 97. Жамшид Юсупов.
Захира: 1.Акром Хожатев, 7.Шерзод Қодиров, 11. Ирисдавлат Хакимов, 24.Хамидхон Рустамхонов, 71.Дилмурод Қодиров, 77. Билолхон Тошмирзаев

Бекзод Толибов тайёрлади.