А ПРО-Лига. Абдухамидовнинг голлари эвазига «Истиқлол» Фарғонада «Шўртан»ни мағлуб этди
22 сен 2019 21:54
Новости
![](https://championat.asia/upload/storage/519638_original.jpg)
![](/upload/storage/519638_220.jpg)
А ПРО-Лига. Абдухамидовнинг голлари эвазига «Истиқлол» Фарғонада «Шўртан»ни мағлуб этди
Учрашувнинг дастлабки қисмида «Шўртан» жамоаси вакиллари ҳужумкор ўйин намойиш этдилар. Меҳмонлар томонилдан ташкил этилаётган ҳужумлар хавфли тус олган бўлсада, бироқ самара келтирмади. Биринчи бўлим ўрталарига келиб «Истиқлол» вакиллари ўйиндаги ташаббусни қўлга олдилар. Мезбонлар томонидан ташкил этилаётган ҳужумлар 31-дақиқага келиб гол билан якунланди. Бу вазиятда «Истиқлол» ярим ҳимоячиси Рустам Абдуҳамидов чап қанотдан тезкорлик билан меҳмонлар жарима майдоничи ичига ёриб кирди ва айланма зарба йўллаб, учрашувда ҳисобни очди-1:0. Шундан сўнг биринчи бўлим сўнгига қадар дарвозаларга бошқа гол киритилмади.
Учрашувнинг иккинчи бўлимини ҳам «Шўртан» жамоаси вакиллари фаол бошладилар. Меҳмонларнинг ҳисобни тенглаштириш учун «Истиқлол» дарвозаси томон ташкил этган ҳужумлари самара келтирмади. Беллашувнинг 72-дақиқасида фарғоналиклар «Шўртан» дарвозасига иккинчи голни киритишди. Яна ўша Рустам Абдуҳамидовнинг тезкорлиги эвазига меҳмонлар дарвозаси ишғол этилди-2:0.
Қизиқарли кечган баҳс сўнгига қадар ҳар икки жамоа вакилларида гол киритиш учун имкониятлар юзага келган бўлсада, ўйинда бошқа гол урилмади. Шу тариқа «Истиқлол» жамоаси вакиллари «Шўртан»ни 2:0 ҳисобида мағлуб этиб, навбатдаги 3 очкони ўз ҳисобларига ёзиб қўйдилар.
А ПРО-Лига.
21-тур.
«Истиқлол» - «Шўртан» 2:0 (1:0)
Ҳакамлар: Иброхим Исмоилов, Хусниддин Баходиров, Ойбек Калахўжаев, Шохрух Азамов.
Назоратчи: Ғайрат Каримов.
ЎзПФЛ комиссари: Жамшид Имомов
Голлар: Рустам Абдуҳамидов, 31 (1:0), Рустам Абдуҳамидов, 72 (2:0),
«Истиқлол»: Нодир Ашурматов, Жасурбек Эрмаматов, Абдухолиқ Қурбонов, Риза Айвазов, Рустам Абдухамидов, Файлулло Жуманқўзиев, Улуғбек Худойбердиев, Элёр Мамасолиев, Сардор Тельяков, Умар Адхамзода, Темур Маматмуродов.
“Шўртан”: Ботир Носиров, Хасанбой Эргашев, Ахрорбек Ўктамов, Сирожиддин Рахматуллаев, Лазизбек Убайдуллаев, Маъруфхон Муродов, Жасур Холтўраев, Самандар Шодмонов, Шербек Эшмуродов, Фарход Намозов, Шерзод Темиров
Бекзод Толибов тайёрлади
Похожие новости
![AMP Logo](https://championat.asia/image/logo-amp.png)
Комментарии