8-турнинг марказий ўйинини жамоалар қандай либосда ўтказади?
26 апр 2018 09:01
Новости

8-турнинг марказий ўйинини жамоалар қандай либосда ўтказади?

26 апрель куни Суперлигада 8-тур беллашувлари давом эттирилади.

Турнинг марказий баҳсида Тошкентнинг икки гранд жамоалари – "Локомотив" ҳамда "Бунёдкор" ўзаро тўқнаш келишади.

25 апрель санасида мазкур ўйин олдидан ҳар икки жамоа расмийлари иштирокида йиғилиш бўлиб ўтди. Унда ўйиннинг ташкилий масалалари муҳокама этилди. Йиғилиш якунида жамоаларнинг ўйинни қандай либосда ўтказишлари ҳам аниқлаб олинди.

Унга кўра, "темирйўлчилар" жамоаси қизил-яшил-яшил либосда майдонга чиқадиган бўлди. Жамоамиз дарвозабони эгнида қора рангдаги форма бўлади. "Қалдирғочлар" жамоаси эса тўлиқ кўк рангдаги либосдан фойдаланади. "Бунёдкор" дарвозабони кулранг формада майдонга чиқади.

Таъкидлаш жоиз, "Бунёдкор" – "Локомотив" қарама-қаршилиги соат 20:30да старт олади.