5 тагина ўйинда майдонга тушган Янги Зеландия ЖЧ-2026га чиқди!
24 мар 13:06
Новости
5 тагина ўйинда майдонга тушган Янги Зеландия ЖЧ-2026га чиқди!
Бугун 2026 йилги Жаҳон чемпионатига саралаш орқали йўлланма олган иккинчи терма жамоа номи маълум бўлди.
ОКЕАНИЯ минтақаси финал учрашувида Янги Каледония ва Янги Зеландия ўзаро тўқнаш келди. Учрашувда Янги Зеландия 3:0 ҳисобида зафар қучди ва ўз тарихида учинчи марта мундиалга йўлланмани қўлга киритди.
Эътиборлиси, Океания минтақасида терма жамоалар камлиги боис Янги Зеландия саралашда жами 5 та ўйин ўтказди. Гуруҳда 3 та, ярим финал ва финалда 1 тадан. Крис Вуд бошчилигидаги жамоа 5 та ўйиннинг барчасида ғалаба қозонишди ва рақиблар дарвозасига 29 та гол уриб, 1 тагина тўп ўтказиб юборишди. Айни пайтда бу жамоани англиялик 52 ёшли мураббий Даррен Бизли бошқариб бормоқда.
Маълумот учун, Янги Зеландия 1982 ва 2010 йилги Жаҳон чемпионатларда иштирок этган.
Бугун мағлуб бўлган Янги Каледонияда ҳам йўлланма учун имконият сақланиб қолди. Бу терма жамоа энди 2026 йилги қитъалараро плей-офф босқичида иштирок этади.
Похожие новости
championat.asia
КЖЧ. 7-дақиқадаёқ бир киши кам бўлиб қолган "Реал" "Пачука"га 3 та гол урди
Суперлига. "Пахтакор" ўз майдонида бир киши кам бўлиб қолган "Қўқон-1912"ни мағлуб этди
Суперлига. Абдухолиқовга аталган оқшомда "Динамо" жорий мавсумдаги илк мағлубиятини "Бунёдкор"дан қабул қилиб олди
Ўзбекистон Кубоги. "Нефтчи" ўз уйида "Машъал"га мағлуб бўлиб, мусобақа билан хайрлашди. "Сўғдиёна" "Қизилқум"ни қийинчиликсиз мағлубиятга учратди
Комментарии