40 ёш ва ундан катталар ўртасида Тошкент шаҳар чемпиони аниқланди
30 ноя 2020 10:40
Новости

40 ёш ва ундан катталар ўртасида Тошкент шаҳар чемпиони аниқланди

Кеча Тошкент Академияси майдонида 40+ фахрийлар лигаси финали бўлиб ўтди.

Бунда "Осиё" ва "Интер Спорт" жамоалари ўзаро баҳс олиб боришди. Қизиқарли кечган беллашувда "Осиё" жамоаси рақиби устидан 6:0 ҳисобида зафар қучиб, бош соврин кубокни қўлга киритди.

Ўйинда Виктор Карпенко, Зайниддин Тожиев ҳамда Сергей Лушан томонидан киритилган иккитадан голлар "Осиё" футболчиларига ғолибликни тақдим этди.

Финал якунида ғолиб жамоага эсдалик дипломи ҳамда кубок топширилди. Совринни ТФА вице-президенти ўринбосари Нодирхўжа Юлдашев топширди. Шунингдек, бу жамоа 40+ фахрийлар ўртасида Ўзбекистон чемпиони ҳам бўлгани учун асосий Кубок ҳам тақдим этилди.

Шу куни майдонда Одил Исабоев, Ҳикмат Ҳошимов, Александр Хвостунов, Рустам Қурбонбоев, Руслан Вагапов, Воҳид Холбоев, Алексей Николаев, Акмал Холматов, Виктор Карпенко, Зайниддин Тожиев, Алишер Бозоров, Сергей Лушан, Абдумажид Тоиров каби собиқ футболчилар ҳаракат қилишди.

Шу ўринда "Осиё" жамоасини чемпионлик, "Интер Спорт"ни финалчи бўлгани ҳамда "Уз Карлсберг" жамоасини учинчи ўринни қўлга киритгани билан табриклаб қоламиз.