RU

Последние новости

13:2944 ёшли дарвозабон жаҳон рекордини янгилади  0 12:46"Осасуна" мураббийи "Реал"га қарши баҳсдаги четлатиш ҳақида: "Бу мен учун қизил карточка эмас"  8 12:35Ўмон терма жамоаси CAFA турнири учун таркибини эълон қилди  2 12:08Собиқ ҳакам: "Мбаппе билан боғлиқ вазиятда пенальти йўқ эди"  12 11:36"Навбаҳор" охирги маротаба Ғузорда қачон ғалаба қозонган?  2 10:50Гвардиола келажаги ҳақида фикр билдирди  5 10:21ПСЖ ва "Атлетико" япониялик футболчи учун курашмоқда  1 09:52"Тоттенхэм" Англия терма жамоаси аъзосининг транферини якунлади  3 09:23Моуринью нима учун ўзини дунёнинг энг яхши мураббийларидан бири деб билишини тушунтирди  14 08:54"Ньюкасл" Исак бўйича расмий баёнот берди  2 08:25Муҳаммад Салоҳ тарихий натижа қайд этди  4 07:56ЦСКА тасдиқлади  11 07:27Суперлига. Бугун 20-турга старт берилади  6 02:13ЕЧЛ. "Қорабоғ", "Пафос" ва "Брюгге" саралашнинг сўнгги босқичидаги илк баҳсларни ўз фойдаларига ҳал қилишди  1 02:02Ла Лига. Мбаппенинг пенальтидан киритган голи "Реал Мадрид"га илк турдаги ғалабани тақдим этди  71

Лео Месси 2015 йилда 10 нафар бўлажак футбол юлдузини санаганди. Улар ҳозир қаерда? Новости

Лео Месси 2015 йилда 10 нафар бўлажак футбол юлдузини санаганди. Улар ҳозир қаерда?

2015 йилда Adidas Лео Мессидан дунёнинг энг истиқболли ўн нафар футболчисини танлашни сўради. Бу йигитлар ҳозир қаерда ўйнаётганини ҳамда аргентиналик футболчининг башорати қанчалик тўғри эканини текшириш вақти келди.

Аккурсио Бентивенья, 25 ёш

2015 йилда у "Палермо"да истиқболи бор истеъдод эгаси эди, аммо якунда у жамоа таркибида бор-йўғи 7 та ўйин ўтказди — кейин эса ижарага саёҳатга чиқди. У ҳозирда C Сериянинг "Юве Стабия" клубида ҳужумчи сифатида ўйнайди. Аккурсио бошқа "Ювентус"ни орзу қилган бўлса керак.


Жереми Бога, 25 ёш

"Челси" аъзоси ва спорт сайтларидаги энг кулгили сарлавҳаларнинг бош қаҳрамони. У Лондонда қолмади, лекин "Сассуоло"да ўзини аъло даражада кўрсатди ва ҳозир "Аталанта"га кўчиб ўтиш арафасида турибди. Футболчи Гасперини қўл остида супер юлдузга айланишига ишонамиз.


Максвелл Корне, 25 ёш

Тахминлардан сўнг, Корне "Лион"нинг асосий ўйинчиларидан бирига айланди, клубда олти йил ўйнади ва кейин Кот-д'Ивуар терма жамоасига чақирилди. У ўтган ёзда "Бёрнли"га 15 миллион эвро эвазига кўчиб ўтди.


Кенеди, 25 ёш

2015 йилдан бери футболчи "Челси"га тегишли, ҳатто асосий жамоада бир қанча ўйинларда иштирок этган (2016/17 йилги мавсумда Премьер-лигада ғолиб чиққан), лекин асосан ижарама-ижара саёҳат қилмоқда, ҳозирда у ватани Бразилиянинг "Фламенго" шарафини ҳимоя қилмоқда. 


Рони Лопеш, 26 ёш

Португалиялик ярим ҳимоячи ҳам Кенедига ўхшаб ҳеч қаерда ўз ўрнини топа олмади. У ҳам кўплаб клубларда ўйнаган, "Севилья"га тегишли футболчи ҳозирда "Олимпиакос"да ижара асосида тўп суради. 2018 йилда у Россияда бўлиб ўтадиган жаҳон чемпионати учун Португалия терма жамоасининг кенгайтирилган рўйхатига киритилди, аммо якунда у ушбу турнирда иштирок этиш бахтига муяссар бўла олмади.


Алексей Миранчук, 26 ёш

Бу футболчи ҳақида "Аталанта"даги ўйинлари орқали маълумотга эга бўлсангиз керак. Евро-2020 да иштирок этган россиялик футболчи "Женоа"га ўтиш арафасида турибди.


Кайри Шелтон, 28 ёш

Ҳужумчи МЛСда "Нью-Йорк Сити" шарафини ҳимоя қилади, унинг Европага сафари (Падерборн) муваффақиятсиз якунланди ҳамда у АҚШга қайтди. 28 ёшида у янги чўққига чиқиши даргумон, шу боис Месси тахмини бу футболчида ўз исботини топмади.


Жеймс Уилсон, 26 ёш


"Манчестер Юнайтед" мухлислари унинг 2014 йилги дебютидаги дублини эслаб чиқаришмаган бўлса керак. Уилсон узоқ вақтдан бери клубнинг умиди ҳисобланарди, аммо афсуски, у юқори савиядаги ўйин намойиш эта олмади, ҳозирда футболчи "Порт-Вейл"да тўп суради.


Тимо Вернер, 25 ёш

Лео ушбу рўйхатдаги энг таниқли футболчи. У асосий таркиб футболчиларидан бири сифатида "Челси"га Чемпионлар лигасида ғалаба қозонишига ёрдам берди, аммо унинг Англиядаги фаолияти нотекис руҳда давом этмоқда, унинг баъзи голларидан кўра кўпроқ мемлари машҳурроқ.


Гьяси Зардес, 30 ёш

У МЛСнинг маҳаллий юлдузига айланди ва АҚШ терма жамоасига йўл олди, аммо уни мамлакат ташқарисида жуда кам одам танийди. Албатта, униниг фаолияти муваффақиятсиз кечмади, лекин Месси кўпроқ умид қилгани аниқ.


Оқил Абдубарноев тайёрлади

Рейтинг: +13   

Комментарии

championat.asia
< посмотреть последние новости
Яндекс.Метрика