2007 йилнинг энг яхши 50 нафар ёш футболчиси. Улар ҳозир қаерда?
05 ноя 2017 11:50
Новости

2007 йилнинг энг яхши 50 нафар ёш футболчиси. Улар ҳозир қаерда?

2007 йилнинг ноябрь ойида "World Soccer" нашри 50 нафар энг яхши футболчи рўйхатини эълон қилган эди. Қуйида бу рўйхатга кирган машхур футболчилар ҳақида маълумот берамиз.

Гарет Бэйл. 18 ёшида Бэйл эндигина ''Тоттенхем''нинг асосий таркибига киришни бошлаган эди. У бу пайтда чап қанот ҳимоясида ҳаракатланар эди. Кейинчалик бу футболчи ''Интер''га қарши хет-трикини нишонлади ва ''Реал'' сафига 100 миллион евро эвазига ўтиб, чемпионлар лигасининг ғолибига айланди. ''World Soccer'' нашри унинг келажагини тўғри баҳолаган ва бу рўйхатда уни 6-ўринга муносиб кўрган эди.

Серхио Агуэро. Ҳозирда бу футболчи ''Манчестер Сити''нинг энг яхши тўпурари саналади. Ўша вақтда аргентиналик ''Атлетико" асосий таркибида гол ураётган ва Аргентина термасида дебют учрашувини ўтказган эди.

Анхель Ди Мария. Яна бир аргентиналик. Ўша вақтда у ''Бенфика''да ҳаракатланар ва уни олдинда катта келажак кутаётган эди.

Карим Бензема. Француз бу пайтда ''Лион'' таркибида 8та голнинг муаллифига айланган эди. Ҳозирда кўплаб муҳокамаларга қарамай, ''Реал''нинг асосий таркибида ҳаракатланмоқда.

Месут Озил. Озил бу пайтда ''Вердер'' сафида ҳаракатланиб, ''Штутгарт''ва ''Шальке'' билан чемпионлик йўлида курашаётган эди. Кейинчалик унинг ЖЧ-2010да ёрқин ўйнаб, ''Реал'' сафига қўшилганини яхши биласиз.

Алексис Санчес. 18 ёшида Алексис Аргентинанинг ''Ривер Плейт'' жамоасида ўйнар эди. Ажойиб зарбаси ва техникаси сабаб тилга тушган футболчи тез орада ''Удинезе''сафига бориб қўшилди. А сериядаги мувафақиятли ўйинлар эса уни ''Барселона'' томон етаклади.

Тони Кроос. Бу вақтда Тони "Бавария"нинг иккинчи жамоасидан, асосий таркибга киришга ҳаракатланаётган эди. Ўзининг ақлли ўйини сабаб мутахасислар тилига тушган футболчи учун ''Реал'' 25 миллион евро сарфлаб ўз сафига қўшиб олди. Ҳозирда Кроос ўз ампуласи бўйича энг яхшилардан ҳисобланади.

Хуан Мата. 19 ёшлигида Мата ''Реал'' учун керак бўлмай, ''Валенсия''га ижарага берилган эди. Рональд Куман ёш испанга ишонди ва футболчи ҳам бу ишончни оқлади. 23 ёшида эса футболчи ''туманли албион''га йўл олди.

Иван Ракитич. Бу вақтда хорватиялик футболчи ''Шальке''нинг асосий таркибига кириш учун курашаётган эди. Кейин эса ''Севилья''га йўл олди ва жамоа етакчисига айланди. 26 ёшга етганда у ҳақиқий гранд жамоа сафида қўним топди. У ҳозирда ''Барса''нинг етакчиси эмас, албатта. Бироқ уни фойдали футболчилар қаторига қўшиш, мумкин.