12 апрель куни аёллар футболи бўйича Ўзбекистон Суперкубоги-2019 учрашуви ўтказилади
09 апр 2019 13:19
Новости

12 апрель куни аёллар футболи бўйича Ўзбекистон Суперкубоги-2019 учрашуви ўтказилади

Аёллар футболи бўйича янги мавсум старт олишига ҳам саноқли кунлар қолмоқда.

Биласиз, ўтган мавсум якунларига кўра “Бунёдкор-W” жамоаси якунда 75 очко жамғариб, ўз тарихида илк марта Ўзбекистон чемпионига айланган эди. “Севинч” жамоаси футболчи қизлари эса мамлакат Кубогига эга чиқишганди.

2019 йилги мавсум аввалида эса ушбу икки клуб мамлакат Суперкубоги учун баҳс олиб боришади. Ўзбекистон Суперкубоги-2019 учрашуви 12 апрель куни “Жар” стадионида бўлиб ўтади.

Ўзбекистон Профессионал футбол лигаси мазкур учрашувни юқори савияда ташкиллаштириш мақсадида бир қатор ташаббусларни амалга оширмоқда. Жумладан, ўйин олдидан элимиз суйган санъаткорлар иштирокида шоу концерт дастурлари бўлиб ўтади. Шунингдек, илк марта аёллар футболи бўйича Суперкубок баҳси бош ҳомийга эга бўлади.

Ўзбекистон Суперкубоги-2019

“СЕВИНЧ” - “БУНЁДКОР”

Жар стадиони. 16:00 / 12 апрель.

Ссылка :

Источник : pfl.uz

Получайте новости прямо в Telegram!

Рейтинг: +2