30 янв 2019 21:51

Сарри: “Азар “Челси”ни тарк этмоқчи бўлса, у бу ишни ҳозир амалга ошириши лозим”

Лондоннинг “Челси” клуби бош мураббийи Маурицио Сарри жамоаси ярим ҳимоячиси Эден Азарнинг келажаги ҳақида гапирди.

Эслатиб ўтамиз, белгиялик футболчининг лондонликлар билан шартномаси 2020 йилнинг ёзига қадар амалда бўлади.

“Азар билан боғлиқ вазият Хадсон Одои билан боғлиқ ҳолатдан фарқ қилади. Эден 28 ёшда. Агар у жамоадан кетишни истаса, у бу ишни ҳозир амалга ошириши керак. Албатта, мен ишонаман у биз билан қолади. Мен Азар жамоада қолиб биз билан юксак марраларни забт этишига ишонаман. Унда европалик энг яхши футболчи бўлиши учун барча хислат мавжуд.

Менинг вазифам унинг очилмаган қирраларини кашф этиб, футболчининг янада яхшироқ ўйин кўрсатишига кўмаклашиш. Баъзида бу масалада журналистлар билан мулоқот қилишимга ҳам тўғри келади. Чунки ишим шунақа”, дея Саррининг сўзларидан иқтибос келтирмоқда FourFourTwo.

Источник : FourFourTwo