U-21 биринчилиги. "Қўқон-1912" кичик дербида ғолиб бўлди

Кичик “дерби” тенг курашлар остида бошланди. Ҳар икки жамоа аъзолари илк дақиқалардан ташаббусга эга бўлишга интилишди.

Вақт ўтиши билан томонларни ҳужумлари хавфли кўриниш олди. 33-дақиқада Дилшод Самиқов рақиб дарвозасини аниқ нишонга олиб ҳисобни очди. Ушбу вазиятда мезбонлар вакили рақиб посбони билан бирга-бир вазиятга чиқиб, ҳужумни гол билан якунлади. Биринчи бўлим шу ҳисобда якунига етди.

Иккинчи бўлимни ҳам қўқонлик футболчилар шиддатли ҳужумлар билан бошлашди. 63-дақиқада меҳмонлар ҳисобни тенглаштириш учун яхши имкониятга эга бўлишди. Ушбу вазиятда Сарвар Каримов маҳорат кўрсатди. Бўлим ўрталарига келиб усутунлик меҳмонлар томонига ўтди. Андижонликлар ҳисобни тенглаштириш учун катта куч билан ҳужумга зўр беришди. Қўқонликлар эса ҳимояда ишончли ўйнашди. Айниқса, Жасур Ёқубов ишончли ҳаракатлари билан рақиб ҳужумларини қайтариб турди.

Сўнгги дақиқаларда ҳар икки жамоа вакиллари кетма-кет ҳужумлар уюштиришганига қарамай, ўйин охирига қадар ҳисоб ўзгармади. Шу тариқа, "Қўқон-1912" ёшлари кичик “дерби”да ғалаба қозонишди.

U-21 Биринчилиги
2 - тур
"Қўқон-1912" - "Андижон" – 1:0 (1:0)
Ҳакамлар: Ғайрат Жўраев, Шохрух Аъзамов, Равшан Копадзе,Олим Тўйчибоев.
Назоратчи: Бахтиёр Намозов.
Гол: Дилшод Самиқов – 33.
“Қўқон-1912”: 25. Сарвар Каримов, 4. Бекзод Каримов, 7. Аюбхон Абдураҳимов, 9. Рамз Исақов, 14. Аваз Маматхўжаев, 19. Дилшод Самиқов, 55. Абдуллох Миркомилов, 65. Жасур Ёқубов, 78. Аброр Усмонов, 79. Барҳаёт Саидаҳмаджонов, 96. Умид Муҳаммадалиев.
Захира: 12. Муҳаммадали Собиров, 11. Иброҳим Мухторов, 17. Иброҳим Усмонов, 38. Шаҳзод Маъмуржонов, 70. Рустем Асанов, 97. Отабек Қодиров.
“Андижон”: 30. Акмал Ортиқов, 5. Сардор Маъруфжонов, 7. Дилмурод Абдуқаҳҳоров, 10. Усмонали Исмоналиев, 11. Пўлат Шарифов, 14. Тимур Исмоилов, 17. Фарҳод Соҳибжонов,18. Машҳур Мирзаев, 19. Жамшид Ҳамидов, 21. Рустам Қучқоров, 33. Дониёр Абдуманопов.
Захира: 32. Жавоҳир Қиличев, 2. Абдулло Абдулазизов, 6. Муҳаммадкарим Тоиров, 8. Абдухалил Абдураҳимов, 9. Асил Азизов, 22. Муҳаммад Иброҳимов, 77. Бекзод Ғаниев.