25 июн 16:28

Сардор Абдураимов: "Чемпионатдаги мағлубият учун "Нефтчи"дан реванш олдик"

Ўзбекистон Кубоги нимчорак финал баҳслари ўзининг қизғин палласига кириб олди.

"Машъал" бу босқичда кучли рақиб сифатида қаралган "Нефтчи"дан устун келди ва чорак финалга йўлланмани қўлга киритди. Фарғонадаги беллашув қаҳрамони Сардор Абдураимов бу борада фикрлари билан бўлишди.

Открыть в Матч-Центре

"Алҳамдулиллаҳ бу учрашувда ғалаба қозондик. Жамоангиз сизнинг голингиз билан ғалаба қозонса икки карра хурсанд бўлар экансиз. Бу ёқимли албатта. Биз ғалабага чанқоқ ҳолда майдонга тушдик дея оламан. "Нефтчи"ни ўз майдонида ютиш қийин, бу ерда Ўзбекистоннинг энг яхши футболчилари жамланган.
Жамоамизда реванш иштиёқчи кучли эди. Бу яхши имконият ҳисобланарди. Яхши тайёргарлик кўрдик, мураббийлар кўрсатмаларини бажардик. Гол урилган вазиятни машғулотларда ишлаганмиз. Стандарт вазиятдан ҳар доим ҳам ўхшайвермайди. Биз буни уддаладик.
Ғалаба қозонишимиз учун ҳамма шароитларни максимал яратиб берган раҳбариятимизга жамоамиз номидан миннатдорчилик билдираман. "Машъал" мухлисларини ғалаба билан табриклайман",- дейди Сардор Абдураимов.