Куртуа фаолиятини якунлагандан сўнг пойгаларда қатнашиш истагини билдирди

"Реал Мадрид" жамоаси белгиялик дарвозабони Тибо Куртуа профессионал фаолиятини тугатгач, пойгаларда иштирок этишни хоҳлашини тан олди.

"Футболни тарк этганимдан кейин, GT3 пойгасида қатнашиш орзумнинг рўёбга чиқиши бўларди. Агар шундай имконият туғилса, ўзим бемалол сиғадиган машинани бошқаришни истардим. Мен Формула-1 болидига сиғмайман. Бошим чиқиб қолади, шунинг учун бу жуда хавфли бўларди," - дейди Тибо Куртуа.

Эслатиб ўтамиз, Куртуа Белгия Гран-присига таклиф қилинган ва спринт пойгасидан сўнг финишда катак байроқни силкитган эди. Бундан ташқари, Куртуа пойга якунлари бўйича кучли учликка мукофотларни топширди.