"Бавария" "Реал"га ўтиши мумкин бўлган Дэвиснинг ўрнига Мадрид клуби собиқ ўйинчисини олиб келиши мумкин
11 фев 2024 00:26
Новости

"Бавария" "Реал"га ўтиши мумкин бўлган Дэвиснинг ўрнига Мадрид клуби собиқ ўйинчисини олиб келиши мумкин

"Бавария" чап ҳимоячи Альфонсо Дэвисга ўринбосар изламоқда.

Мюнхен жамоаси офиси канадалик барибир ёзда жамоадан кетади деб ҳисобламоқда. Унга эҳтимолий ўринбосар сифатида "Жирона"нинг 22 ёшли ўйинчиси Мигель Гутьеррес кўрилмоқда.

Гутьеррес 2022 йилдан бери "Жирона"да ўйнайди. Transfermarkt'да 20 млн еврога баҳоланаётган ҳимоячи жорий мавсум барча мусобақаларда 27та ўйинда майдонга тушиб, 1та гол ва 6та ассист қайд этди.

Гутьерреснинг собиқ клуби бўлмиш "Реал" жорий йилнинг июнь ойи сўнггига қадар футболчини 8 млн еврога харид қилиш ҳуқуқига эга.