RU

Последние новости

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Андрей Шипилов: «Барча майдонлар ҳам Самарқанддагидек ажойиб ҳолатда эмас...» Новости

Андрей Шипилов: «Барча майдонлар ҳам Самарқанддагидек ажойиб ҳолатда эмас...»

“Динамо” – “Металлург” (2:1) учрашувидан кейин «Металлург» бош мураббийи Андрей Шипилов матбуот анжуманида иштирок этиб, журналистлар саволларига жавоб қайтарди.

- Самарқандда ўйнаш доим ёқимли – ажойиб майдон, яхши атмосфера, ажойиб футбол ҳавоси. “Динамо” жамоасини ҳақли ғалаба билан табриклайман. Футбол шунақа, хатоларни кечирмайди. Рақиб жамоа 95 дақиқа ғалаба учун курашди ва жаноби омад ҳам охиригача курашган томонга кулиб боқди. Бизда яхши имкониятлар бор эди, аммо фойдалана олмадик. Ўйин назоратини қўлдан чиқармагандик. Иккинчи бўлим якунида нималар бўлганини тушунмай қолдим. Биз унгача вазиятлардан гол уриб, масалани ҳал қилишимиз керак эди. Ўйин охирида эса хатоларимиз голга олиб келди.

- Сервер Жепаров жароҳат олиб майдонни тарк этди. Бу борада қандай изоҳ бера оласиз?


- Жепаровнинг ҳолати аъло эмасди, аммо ўйин олдидан шифокорларимиз Сервернинг ўйинга тайёрлигини айтишди. Унинг захирадан туширилиши ҳам режамиз эди, аммо майдонга тушгач, кутилмаганда жароҳат олди. Балки иккита захира борасида хатога йўл қўйгандирмиз. Аммо бу ўзини оқлаш эмас, сабаби менда захирада яна қатор футболчилар бор эди.

- “Металлург” ўтган уч турда “Сурхон” (1:1), “Бухоро” (2:0) ва “Динамо” (1:2)га қарши майдонга тушди. Сиз рақиблар ўртасида қай даража фарқни кўрдингиз?


- Бу шахсий фикрим – камида 7-тургача Суперлигадаги барча жамоаларнинг ҳолати ва савияси бир хил бўлади. Кейин эса футболчиларнинг маҳорати жамоаларнинг натижасини белгилаб беради. Ҳозирда барча майдонлар ҳам Самарқанддаги ёки “Пахтакор”, Қаршидагидек ҳолатда эмас. Шунга қарамай, Суперлигада бугунга келиб 60-65 % майдонлар яхши ҳолатга келган. Ўйлайманки, бир ойдан кейин 6-7 тур ўтгач, ҳаммаси ўз ўрнида бўлади. Бугунги кунда фақатгина “Пахтакор” ва “Локомотив” клубларини алоҳида кўрсатиш мумкин. Аммо уларга ҳам осон бўлмаслигини “Насаф” кўрсатиб берди. Ёки айтайлик, ўз олдига катта мақсадлар қўйган “Навбаҳор”нинг ёшарган “Бунёдкор”га мағлуб бўлганини кўрсатиш мумкин. Ҳозирда таркибда кимнинг борлиги эмас, жамоадаги интизом ва курашувчанлик устун келмоқда. 7-турдан кейин маҳоратли ижрочиларга эга жамоа устун келади.

- Ўтган уч тур давомида “Металлург” посбони Сафоев ПФЛ томонидан “ойнинг энг яхши дарвозабони” номзодлари сафига киритлганди. Бугун эса гол урилган вазиятда хатога йўл қўйди. Сизнингча, ҳам айнан у ўтган уч турда энг яхши бўлдими жамоангиз сафида?

- Ўтказиб юборилган 2-голимизда биргина унинг хатоси эмас, ўша зарбагача бошқа футболчиларимиз ҳам хато қилишди. Ўтган уч тур давомида шахсан мен жамоам сафидаги энг яхши сифатида Аббос Отахоновни кўрсатган бўлардим.

Усмон Ибодов ёзиб олди.

Рейтинг: +4   

Комментарии

championat.asia
Яндекс.Метрика