Islom Qobilov 8-tur uchrashuvini o'tkazib yuboradi
29 apr 2017 07:48
Yangiliklar

Islom Qobilov 8-tur uchrashuvini o'tkazib yuboradi

Bugun Bekobodda mamlakat milliy chempionatining 8-turida mahalliy “Metallurg” jamoasi “Buxoro”ni qabul qiladi.

Mazkur o'yinga "Metallurg" puxta tayyorgarlik ko'rmoqda. Musobaqa jadvalining so'nggi pog'onasida borayotgan “Metallurg” uchun 3 ochko suv va havodek zarur. Qo'qondagi mag'lubiyatdan keyin murabbiylar shtabi futbolchilarning ruhiy hamda jismoniy tayyorgarliklari borasida jiddiy ish olib borishdi. Bugunga kelib tarkibdagi o'yinchilarning barchasi ruhan tetik, mag'lubiyat unutilgan, g'alaba ishtiyoqida maydonga tushishga shay. Faqatgina “Qo'qon 1912” jamoasiga qarshi uchrashuvda ikkita sariq kartochka olib, maydonda chetlatilgan Islomjon Qobilov jamoadoshlariga yordam bera olmaydi. Ammo u ham maydon chetida turib bo'lsa-da, jamoani qo'llab-quvvatlaydi.

Eslatib o'tamiz, Bekoboddagi uchrashuv soat 16:30 da boshlanadi. O'yin tafsilotlarini “Metallurg” PFKning quyidagi manbalari orqali onlayn tarzida kuzatib borishingiz mumkin. Telegramm: @fcmetallurg, twitter: @fcmetallurg.

Metallurg (Bekobod) – Buxoro (Buxoro)
Hakamlar: V. Kovalenko (Toshkent), M. Saidqosimov (Toshkent), R. Serazetdinov (Toshkent), S. Abduraxmonov (Toshkent)
Nazoratchi: SH. Jumaev (Qarshi).
O'zPFL vakili: SH. Rajabov.

"Metallurg" matbuot xizmati

Havola :

Manba : championat.asia

Yangiliklarni Telegramda o'qing!

Reyting: +3