“Zomin” PFK bu yilgi mavsum uchun o'z yig'inlarini boshladi

Jamoa bu yilgi mavsum oldi yig'inlarini rasman 1 fevraldan boshladi. Klubga hozirga qadar mahalliy va bir qator Oliy liga jamoalarining akdemiyasi tarbilanuvchilaridan iborat jami 16 nafar o'yinchilar kuniga ikki mahaldan mashg'ulot olib bormoqdalar.

Bu yilgi mavsumda jamoaga yangi rahbar tayinlangandan so'ng, klubda bir qator o'zgarishlar bo'ldi. Masalan, jamoa yangi bazaga ega bo'ldi va jamoaning uy uchrashuvlari o'tadigan Zomin markaziy o'yingohi qaytadan rekonsturuksiya qilinmoqda. 

Bu yil jamoa o'z oldiga Oliy ligaga chiqishni maqsad qilgan, shunday ekan O'zbekiston Birinchiligi musobaqasi boshlangunga qadar jamoaga Oliy ligada to'p surgan va o'tkan yilgi Birinchi ligada ishtirok etgan nomdor o'yinchilar kelishi kutulmoqda.

Bugun jamoa “Sug'diyona” jamoasining yoshlari bilan o'rtoqlik uchrashuvini o'tkazadi. Rasman klub O'zbekiston Kubogi bahsining 1/16 final uchrashuvida “Andijon” jamoasi qarshi uchrashuvi bilan boshlaydi. 

Jamoamizga omad tilab qolamiz!

Akmal RAHMATULLAEV

“Zomin” PFK matbuot kotibi.