Zohid Abdullaev: “Avval ham 1-daqiqada gol kiritganman”

-  Zohid, g'alaba bilan tabriklaymiz.

-  Rahmat. Bugungi o'yin biz uchun qiyin kechishini bilardik. Ammo menda qandaydir xotirjamlik bor edi. Ijobiy natijaga erishishimizni ham, gol kiritishimni ham sezgandek edim.

-  Bugungi golingiz faoliyatingizdagi eng tezkor golmi?

-  Yo'q, avval ham bir marta birinchi daqiqadayoq gol kiritishga erishganman. Bu 2007 yili “SHo'rtan” jamoasi bilan o'yinda sodir bo'lgandi.

-  Bugungi o'yindan ko'nglingiz to'ldimi?

-  O'yindan, jamoadoshlarimning hatti-harakatlaridan qoniqish hosil qildim. Bu yilgi mavsumdagi eng yaxshi o'yinlarimizdan birini o'tkazdik. Ammo natijadan ko'ngil to'lmadi. Sababi biz ikkita gol farqi bilan oldinda bora turib. G'alabani qo'ldan chiqardik. O'yin tugashiga to'rt daqiqa qolganda yana hisobda oldinga o'tib olgandik. Afsuski, hakam tomonidan qo'shib berilgan daqiqada belgilangan jarima zarbasi bizga qimmatga tushdi.

-  Ignatiy bilan yakkama yakka qolgan holatingizni izohlab bersangiz...

-  Birinchi daqiqadagi yakkama yakka to'qnashuvda Ignatiyni osonlik bilan dog'da qoldirdim. Temiryo'lchilar ikkinchi taymda birinchi javob golnini kiritgandan keyin bizda yana tezkor qarshi hujum yuzaga keldi va Nesterev bilan navbatdagi randevuga chiqib ketayotgandim. Afsuski, Ignatiy jarima maydoni tashqarisida to'pni qo'li bilan ushlab qoldi. Hakam Nesterevni maydondan chetlatdi. Agar Ignatiy shunday o'ynamaganida ehtimol men gol kiritgan va o'yin taqdirini hal etgan bo'larmidim.


"Metallurg" matbuot xizmati