Zlatko Dalich: "Muhim g'alabani qo'lga kiritdik"

"Muhimi g'alaba qozondik va buning uchun butun jamoamni tabriklayman. SHu navbatda "Paxtakor" jamoasiga ham halol o'yin uchun minnatdorchilik bildiraman. Birinchi bo'limda bir qator vaziyatlardan unumli foydalana olmadik. Biroq ikkinchi taymda o'z imkoniyatimizni foydalanib gol urdik va g'alabaga zamin yaratdik. Uchrashuvning so'nggi 20 daqiqasida tashabbus to'liqligicha raqibga o'tdi. Bu g'alabadan so'ng keyingi bosqich uchun kichik qadam tashladik. Lekin bugungi o'yin natijasini unutgan holda keyingi bellashuvlarga jiddiy tayyorgarliklar ko'rishimiz kerak", - deya gap boshladi Zlatko Dalich.

- Jamoa etakchisi Miroslav Stox jamoadoshlarini qiyin ahvolda qoldirib ketdi. U o'zini shunchalik yulduz deb hisoblaydimi? Unga etirozlaringiz yo'qmi?
- Bazida futbolchi hissiyotlarga berilib ketadi va o'zini maydonda yo'qotib qo'yadi. Bu borada ishlar olib boriladi. Stox unaqangi futbolchi emas. Bu vaziyatni o'rganib chiqamiz. Lekin futbolda bunaqangi holatlar ham uchrab turadi.

- "Paxtakor" bilan o'yinda jamoa etakchilari Umar Abdulrahmon va Asamoa Gyan kabi futbolchilarni olib kelinmadi. Milliy chempionatdagi vazifani bajarib bo'lganidan so'ng jamoa OCHLda ham to'liq kuch bilan harakat qiladimi? Hozircha jamoa asl kuchini namoyish etayotgani yo'qdek...
- Gyan va Umar Abdulrahmon shubhasiz jamoamizning etakchi futbolchilari hisoblanishadi. Biz har ikkala turnirda ham jiddiy etibor qaratganmiz va OCHLda ham kamida o'tgan yilgi natijani takrorlashni istaymiz. Bugungi bahs oldidan Gyan va Umar Abdulrahmonga biroz dam berishga qaror qilgandik. Keyingi o'yinlarda ular safga qaytishadi.