Jordi Alba: Atletikoga qarshi bahsda biz favorit emasmiz

"Barselona" kabi jamoalardagi har bir kichik narsalar matbuotda katta shov-shuv ko'tarishi tabiiy. Mag'lubiyatga uchrasang keskin tanqid qilishadi, yutsang maqtashadi. Umuman olganda hech narsa o'zgargani yo'q. Ha, biz so'nggi o'yinlarda ancha yaxshiroq o'ynayapmiz. Jamoada samaradorlik oshdi. Messi biz uchun juda muhim futbolchi sanaladi. Leo eng zo'ri. Lekin g'alabalarda barcha futbolchilarni birdek hissalari mavjud.
Ispaniya kubogi doirasidagi "Atletiko"ga qarshi o'yinda biz favorit hisoblanmaymiz. Bu juda qiyin to'qnashuv bo'ladi. Barcha masala ikki o'yin natijasiga ko'ra aniqlanadi.