Jo Tong Sop: "O'zbekiston bizdan kuchli o'ynadi"

"Biz g'alaba qozonishni istagandik. O'zbekiston bugun yaxshi o'yin namoyish etdi. Yigitlarimda yaxshi hususiyatlar ko'zga tashlanmadi. Raqib kuchli o'ynadi", - deb gap boshladi murabbiy.

- Ushbu mag'lubiyatdan so'ng KXDRning keyingi bosqichga chiqish imkoniyatni qanday baholaysiz?
- Hali ikkita o'yin bor, imkoniyat doim saqlanib qoladi. Navbatdagi bahslarda oxirigacha kurashamiz.

- Uchrashuvning so'nggi soniyalarida jamoaingizda gol urish 100 foizlik imkoniyat bo'lgandi. SHu borada fikrlaringiz...
- Ha to'g'ri yaxshi imkoniyat bo'lgandi, ammo gol ura olmadik. Balki keyingi o'yinlarda bunday vaziyatlardan so'ng gol urarmiz.

- Raqiblar haqida nima deya olasiz?
- Uchala raqib ham kuchli. Lekin biz o'z o'yinimizni namoyish etishga urinamiz. 

- O'zbekistondan nima kutgandingiz va siz kutgan narsalar o'zini oqladimi? Yana bir savol o'yinda kuchli yomg'ir yog'di bu futbolchilarga qanchalik tasir qildi.
- Biz bugun qarshi hujumda o'ynashni rejalashtirgandik. Gol urilgunga qadar barchasi yaxshi ketayotgandi. Strategiyamizni oxirigacha o'zgartirmadik. Yomg'ir ikkala jamoa o'zining bor kuchini namoyish eta olmadi. Lekin shunga qaramay yigitlar harakat qilishdi.

- Guruhdagi raqiblardan biri bo'lgan Xitoy jamoasini qanchalik yaxshi o'rgandingiz?
- Xitoy ham yaxshi jamoa hisoblanadi. Keyingi bosqichga chiqish uchun ikkita o'yin qoldi, raqib tanlamaymiz. Mana shu ikki o'yinda bor kuchimizni ishga solamiz.


Xayrulla Xoliqov, Narzulla Saydullaev
Sidney shahridan