Javohir Sohibov: "Biz hali o'zimizning optimal o'yinimizni ko'rsata olmadik"

"Markaziy Osiyo jamoasi guruhdagi har ikki uchrashuvda o'zidan yomon taassurot qoldirgani yo'q. O'zbekiston U-20 terma jamoasi safida istedodli yoshlarga qarab turib, ularning ko'zidagi shijoat, mag'lubiyat alamini payqash mumkin. Vangarey shahrida Fidjiga qarshi kechadigan uchrashuv mazkur turnirda ular uchun eng muhim uchrashuvga aylanishi mumkin. O'zbekiston yoshlar terma jamoasi dastlabki ikki uchrashuvdagi mag'lubiyatga qaramay, guruhdan chiqish imkoniyatini yo'qotgani yo'q. Guruhdagi uchinchi o'rin keyingi bosqichiga chiqish uchun etarli bo'lmasligi mumkin, ammo ikkinchi o'rin uchun hamon imkoniyat bor, deyiladi FIFA.COM saytida.

Har ikkala uchrashuvda jamoasini oldinga boshlagan, mag'lubiyatlarda hammadan ko'p aziyat chekkan va uchinchi hal qiluvchi o'yinda jamoasini oldinga boshlaydigan o'yinchi sifatida terma jamoa sardori Javohir Sohibovga alohida etibor qaratishingizni so'raymiz, - deydi FIFA rasmiy sayti.

Germaniya yoshlar terma jamoasiga qarshi uchrashuv yakunlangach, FIFA.COM sayti muxbiri terma jamoamiz echinish xonasiga kelib terma jamoa sardori Javohir Sohibov bilan intervyu uyushtirdi. Terma jamoa sardori FIFA rasmiy sayti muxbiri bilan suxbatda O'zbekiston yoshlar terma jamoasining navbatdagi o'yini, Jahon chempionati bahslari haqida o'z fikrini bildirdi.

“Bu turnir men ko'rganlarim ichida eng kuchlisi”, - deya gap boshladi O'zbekiston yoshlar terma jamoasi sardori. Ushbu turnirda har qanday jamoa, istalgan jamoani mag'lub eta olishi mumkin. Buni o'z ko'zimiz bilan ko'rdik. Biz g'alaba uchun nima qilishimiz lozimligini yaxshi bilamiz. Qiyin, ammo buni uddalay olamiz. Men hamon terma jamoamizning nimchorak finalga chiqa olishiga kuchi etadi deb o'ylayman va bunga ishonaman”, - deydi Sohibov.

"Biz hali o'zimizning optimal o'yinimizni ko'rsata olmadik. Fidjiga qarshi bahsda faqat g'alaba bizni keyingi bosqichga olib chiqishi mumkin. Aynan ushbu g'alabadan so'ng bizning kelajagimiz haqida gapirsa bo'ladi", deydi "Paxtakor" yarim himoyachisi.

Turnirdagi ilk matbuot anjumanida O'zbekiston yoshlari bosh murabbiyi Ravshan Haydarov har bir jamoaning o'z tarixi mavjudligini gapirib o'tgan edi. Albatta, ikki yil avval Turkiyada bo'lib o'tgan mundialda O'zbekiston ko'rsatgan natija mazkur terma jamoa uchun hozircha ushbu turnirlardagi eng yaxshi natija ekanini takrorlagan holda, bu safar O'zbekiston ushbu natijani yangilashga intilishini aytgan edi. “Har bir jamoaning o'z tarixi bor. Ikki yil oldingi terma jamoaning o'z tarixi, bizning esa o'z tariximiz. Uni yaratish har kimning o'z qo'lida”, - dedi Haydarov.

Kraystcherchdagi ilk ikki uchrashuvda mag'lub bo'lgach o'z ehitiroslarini biroz hayajonini yashirishga uringan holda Javohir Sohibov sardor sifatida muhim uchrashuvda jamoasini oldinga boshlashga va uchrashuvda borini berib o'ynashga vada berdi.

“Hali o'zimizni ko'rsata olganimiz yo'q. Fidjiga qarshi bor kuchim va mahoratimni ishga solaman. Biz hozir mag'lubiyatlar haqida o'ylamayapmiz. Oldimizda Fidjiga qarshi muhim uchrashuv. Biz ularga qarshi o'zimizning eng yaxshi o'yinimizni ko'rsatamiz. Bizni hisobdan chiqarishga hali vaqt bor”, - deydi 20 yoshli futbolchi.

O'zbekiston yoshlar terma jamoasi o'zlari uchun finalga teng o'yinda Fidjiga qarshi to'p suradi. Aynan mana shu o'yin Yangi Zelandiyada kuchli 16ta terma jamoa orasida qolish yoki qolmaslikni belgilab berishi mumkin. SHundagina ular ikki yil oldingi natijani takrorlashga imkoniyatga ega bo'ladilar.

FIFA.COM  saytidan.