Jahongir Abdumo'minov “SHaxtyor”ga o'tishi mumkin

Bizga etib kelgan xabarlarga ko'ra, unga ayni paytda Qozog'istonning “SHaxtyor” klubi ko'proq qiziqyapti.

Malumki, bu jamoani o'zbek muxlislariga yaxshi tanish Viktor Kumikov boshqaryapti va bu murabbiy “Mashal”dagi faoliyati orqali Abdumo'minovni yaxshi biladi. Futbolchining “Mashal” bilan 2015 yilgacha shartnomasi bor, shunday ekan, Jahongir Abdumo'minov yaqin orada boshqa klubga o'tadigan bo'lsa, erkin agent sifatida o'tmaydi.

Bu yil birinchi ligada o'zidan ijobiy taassurot qoldirgan Jahongir 1993 yilda tug'ilgan futbolchilardan iborat yoshlar terma jamoamizning azosi hisoblanadi va uning ham Ummonda bo'lib o'tadigan U-22 Osiyo chempionatida ishtirok etishi kutilmoqda.

Yarim himoyachining o'zi bilan bog'langanimizda chet klublardan qiziqish borligini yashirmadi va hozircha hech narsa aniq emasligini malum qildi.